Leiðarlýsing
Vegalengd
31,5 km
Hækkun/lækkun
560/308 m
Undirlag
Malbik, jappaslóðar, möl og sandur
Leiðin
Þessi hluti langleiðarinnar er til að byrja með eftir malbikuðum þjóðvegi en stærsta hlutann á frekar þægilegum gömlum jeppavegi. Aðeins einn lækur var á leiðinni sem var hægt að hoppa yfir.
Trakk
Nánari lýsing
Fyrstu 10 kílómetrarnir leiðarinner eru á malbiki í vegkanti þjóðvegarins og hálfa leið upp að Búðarhálsvirkjun þar sem beygt er inn á jeppaveginn upp á Búðarháls. Uppi á næst hæsta punkti Búðarháls er magnað útsýni yfir fyrsta hluta Sprengisands og útsýni langt upp á Hálendi. Við tekur furðu skemmtileg leið með grófum malarslóðum, eyðilegum grjótköflum með nokkrum gróðurvinjum á milli. Á 20km er góður lækur en það er eina aðgengilega rennandi vatnið á þessum legg. Þótt umhverfið sé á vissan hátt eyðilegt er hlaupaleiðin frekar fljótfarin á þessum þokkalega slóða með ýmiskonar tilbreytingu á leiðinni. Góður kafli er niður í móti af Búðarhálsinum uns komið er að gatnamótum sem nefnast Kvíslamót. Vegalengd 31,12km.
Til athugunar
Jeppaslóðinn frá Búðarhálfsafleggjara að Kvíslamótum er ágætlega fær betri jeppum en afskaplega seinfarinn. Það tók um klukkutíma aðra leið að rúnta á Toyota Landcruiser og Suzuki Vitara en sá síðarnefndi var alveg á mörkunum að komast þar sem grjótið var úfnast.
Myndasöfn
Ferðasögur
